Вы не авторизованы, пожалуйста войдите в свой аккаунт!

РачIа магIарулал avartv ялде.

Автор
Опубликовано: 1623 дня назад (15 января 2013)
Редактировалось: 5 раз — последний вчера в 10:12
+10
Голосов: 10
Ассаламуг1алайкум х1урматиял! Вацлъи жамг1ияталъул х1аракатчаг1аз г1уц1араб "Маг1арул видео портал" абураб сайт х1алт1изе биччана. Гьелде раккизе бегьула гьаб адресалда http://avartv.ru Сайт г1уц1иялъул мурад буго маг1арул мац1алда бугеб видеоматериал интернеталда ц1ик1инаби ва машгьур гьаби. Хадуб ккун сайталда рук1ине руго авартв студиялъ рахъарал передачаби ва гьеб гуреб г1емераб цойгидабги. Гьединго сайталде видео материал жубазе бегьула бокьарав регистрация гьабурав маг1арулас, сайталъул низамалги ц1унулаго. Бищунго к1вар кьолеб низам ккола т1аде жубалеб видео материал маг1арул мац1алда бук1ин ва г1аммал г1адатиял низамаздаса борч1араб бук1унгут1и. Т1адехун рехсараб сайт г1иц1го видео портал гуребги щвалде щвараб социалияб сеть х1исабалдаги х1алт1ула, гьелъие къвариг1унел киналго алатал сайталда лъун руго. Сайталь рес кьола: бет1ергьанаб гьумер г1уц1изе(личная страница), Пикраби ц1унулеб гъамас г1унц1изе (блог), бат1и бат1иял мажлисазда г1ахьаллъизе (форумы), къокъабазде рикьун руккелал гьаризе (группы), лъазабиял кьезе (доска объявлений,реклама). Гьелда т1адеги сайталда рес буго суратазул къед г1уц1изе(фотоальбомы и личные фото), макъалаби рахъизе (публикация статей), гьудул-гьалмагълъи гьабизе (добавление друзей) цоцахъе хъвадаризе (личные сообщения), кинабго сайталда бугеб щинаб материалаздасан нужерго пикраби загьир гьаризе (комментарии всех материалов сайта), avartv ялдаса босун цойги сайтазде бит1изеги (кнопки социальных сетей) Гьелдаги г1ей гьабич1ого хадубккунги ургъизе руго нужее квег1емлъиялъе ва бигьалъиялъе кинал алатал т1аде журазе бегьилебали. Маг1арул видео портал цебе т1ей ва машгьурлъи нужеда бараб буго, нижеца бажарараб гьабуна. Хьул буго гьаб сайт киналго маг1арулазе г1агараблъун ва пайда бугеблъун лъугьинин абун, маг1арулазе гьабурабги бугелъул. Рач1аха сайталде регистрация гьабизе. Лъик1аб-квешалъухъги балагьизе,гьабизе бегьулеб хиса-басиялъе нижее г1акълуги кьезе. Х1урматгун "Вацлъи" жамг1ият.
763 просмотра

Читайте также:

  • Лъик1 щварал маг1арулал!
    Лъик1 щварал маг1арулал!

    Ассаламуг1алайкум х1урматиял маг1арулал! Нилъер заманалда кутакалда цебет1ун унеб буго техника ва г1елму. Гьелъ нилъее кьураб бищун к1удиял ресаздасан цояб ккола интернет. Щивав чиясе чара гьеч1еб ...

  • Рач1а нилъер ц1арал маг1арул къаг1идаялда хъвазе
    Рач1а нилъер ц1арал маг1арул къаг1идаялда хъвазе

    Дида рак1алда ккола нилъер фамилияги отчествоги рук1ине ккола маг1арул къаг1идаялда. Масала, дир фамилия г1урус къаг1идаялда буго Сайпулаев, маг1арул къаг1идаялда Сайпулагьилазул. Отчество бук1ин...

Комментарии (23)
0 # 15 января 2013 в 20:28 +4
Гьаниб хъвараб х1арп рик1к1ун кири швайги гьудул дуе.
marina # 16 января 2013 в 17:19 0
Лъик1аб х1алт1и буго, гьабулеб бит1аги!
0 # 17 января 2013 в 16:36 +6
Мух1амад, рак1-рак1алъ баркула дудаги дуда цадахъ гьаб TY гьабураздаги к1удияб, баракатаб х1алт1и г1умруялде бахъинаби. Нилъер мац1алда телевидение кида-къадниги бук1ине бугилан абураб пикруялдаса хьул къот1уларон дир. Ахир-къадги гьеб баккана. Аза-азар кири буго нужее гьелъухъ. Хьул буго нилъер телевидениялъ квербакъилин рахьдал мац1 ц1унизеги, гьеб цебет1езабизеги, миллат цолъизеги, миллияб пикру камиллъизеги, лъай-гIакълу борхизеги. Аллагьас нужее къуват, бажари, иях1 кьеги, гьабулеб билълъаги! Нух бит1аги, маг1арул AVARTV!!!
Администратор # 17 января 2013 в 18:29 +3
Аллагь разилъаги нужедасаги вацал ва яцал!
0 # 26 января 2013 в 21:14 +5
Асаламу-г1алайкум х1урматиял маг1арулал! диеги бокьун буго Мух1амадие баркала кьезе маг1арул мац1 цебет1езелъун гьабураб жиндир к1вар ц1ик1к1араб ва жакъасеб къоялда ц1акъ х1ажат бугеб гьаб х1алт1ухъ.
0 # 2 февраля 2013 в 16:12 +3
Ваг1алайкум салам баркала администраторасе маг1арул сайтал'ух'
Исмаил И.Т. # 5 февраля 2013 в 22:05 0
Гьабуралдаса рази рукIин бихьизабизе гIицIго рагIабаздалъун бихьизаби гуребги, киназулго рес буго гьелъулъ бутIа лъезеги. Гьелъие нужеца бахъараб магIарул мацIалда бугеб бокьараб материал рехани лъикIаб букIина.
0 # 7 февраля 2013 в 02:26 +3
К1удияб баркала гьаб г1уц1аразе! Гьалеха унго-унгояб х1алт1и нилъер мац1ги адабиятги маданиятги цебе т1езабиялъе х1акъикъиял маг1арулаз гьабулеб х1алт1и.
0 # 19 февраля 2013 в 00:56 +3
Аллагьас баракат лъе1ги, кири г1емер гьабейги, маг1арул мац1 ццебе т1езе гьабизе Т1адег1анас тавфикъ кьейги.
Маг1арулазул ч1аголъи-Ват1аналъул даимлъи!
Администратор # 19 февраля 2013 в 03:06 +3
Нужееги сахлъи гIолохъаби,Аллагь разилъайги!
0 # 20 февраля 2013 в 19:51 +2
нух бит1аги нужее кверги бакъеги!
0 # 25 февраля 2013 в 00:42 +2
Асалам г1алайкум хириял маг1арулал!Нилъее цебего къвариг1ун бук1ана гьаб сайт.Сахлъи кьеги Мухамадие нилъ цолъизаризеги гъункизаризеги ва цоцазда рич1изаризеги.Гьабулеб данде билъаги!
Администратор # 25 февраля 2013 в 01:12 +3
ВагIалайкум салам ва рахIматуЛлагьи! Вохун тайги вац расул!
0 # 4 марта 2013 в 21:41 +3
Баркала нужое маг1арул мац1алда сайт г1уц1аралъухъ.Нужодаса гьари буго гьениб маг1арул мац1алда художествиял, г1елмиял (мац1алъул х1акъалъулъ) т1ахьазиги бак1 кье.Дие бихьизе бокьула гьеб сайт Дагъистан ва сверухъ ругел республикаязда яшав гьабулел маг1арулазда кьороб лъолеб кьолъун.
0 # 5 марта 2013 в 01:00 +2
Дир гьанир руго яц файлазда гьоркьоб бит1ун-хъваялъул,словарал куч1дул жал,гьел гьаниса рахъизе ай г1урусалъ абуни (скачать гьаризе) рес буго.Сайталдаги гьел лъезе гьукъараб жо гьеч1о!
мух1аммадх1абиб хубарский # 6 марта 2013 в 11:37 0
ч1унтун унеб маг1арул маданият ц1и гьабулеб алатлъун лъугьайги гьаб сайт
0 # 7 марта 2013 в 04:52 0
Лъазе бокьилаан дир доб бук1араб профиль Эльдар Ибрагьимов киб дай араб?Ва лъее дица квал-кал гьабураб.Х1урматгун Эльдар
Администратор # 7 марта 2013 в 11:01 +1
Гьеб профиль кибего ун гьеч1о, гьеб лъабго къоялъ туснахъ гьабун буго сайталда чорокаб мац1 х1алт1изабуралухъ.
0 # 7 марта 2013 в 11:26 0
бич1ч1ана
0 # 12 апреля 2013 в 04:17 0
администратор мун вуго тохав чи
Администратор # 12 апреля 2013 в 20:13 +1
Тохав чиясе, мун г1адав лебалас кумек гьабизе кколаха яги г1акъло кьезе ккола.
0 # 13 апреля 2013 в 02:11 +1
Майданалда тарулев тохлъи г1урав г1антав чи, тарбия кьун куцани кварида васандула. (Ц1.Х1.)

Гьаниб дие тарбиялъул гуро бицине бокьун бугеб, ай адабазул. Цо-цо гьанир ругел г1ахьалчаг1и адабтун хъвадарулел руго. Хъач1го к1алъаялдалъун жидер къимат борхилин яги гьелдалъун жидеца бах1арчилъи бихьизабулеб бугин гьезда рак1алде ккун батани - гьеб к1удияб гъалат1 буго.
Администратор # 13 апреля 2013 в 17:53 +2
Цойгидал сайтазда данде ккун гьанибгони мадар буго Г1амирхан.Кавполит г1адаб Черновик г1адаб сайтазда кьолел макъалабазда гъоркь ругел комментазухъ балагьараб заманаялда рак1алде ккезе бач1уна сах-саламатав бихьинчиго хут1ун вугодаян гьанжесел г1олохъабалъ.Чидар ц1аразда ва суратазда нахъаги рахчун гьез цоцазде рик1к1унеб чорокаб, нахъег1анаб харбил лъуг1елго гьеч1о. Щибха гьабилеб гьединаб гурого тарбия щвеч1ел гьезда.
Вход/Регистрация
Зарегистрироваться

Логин:

Будет использоваться при авторизации.
Только латинские буквы и цифры.
*

Имя:

*

Фамилия:

*

Пароль

*

Повторите пароль:

*

E-mail:

По-умолчанию не публикуется *

Защита от спама:

Введите число, изображенное на картинке
Введите код: